Македонeц - светски тенисер број 1 за месец мај

Предраг Русевски е првиот македонски тенисер прогласен за тенисер за месец мај според светската тениска федерација за ITF Futures турнири. Одлуката за македонскиот шампион е објавена на интернет страната www.itftennis.com каде секој месец се избира нов играч. Ваквото решение доаѓа по низата интернационални успеси на Русевски, кој деновиве е во Македонија.
- По три триумфи во Босна, три добиени турнири во мај и сингл и дабл, мислам дека заслужено го добив признанието светски тенисер на месецот, изјави Предраг Русевски.
Русевски настапува и за германски клуб во Франкфурт веќе 6 години.
Благодарение на неговите меѓународни успеси, во Девис купот за прв пат во историјата влезени сме во првата група, за да во септември играме меч против Луксембург.