Св. Кирил и Методиј

Годинава, за прв пат, 24 мај, денот на сесловенските просветители Св. Кирил и Методиј, беше прогласен за државен празник. Висока македонска државна делегација во Рим положи цвеќе на гробот на Свети Кирил во рамките на одбележување на традиционалната манифестација „Македонија во чест на Свети Кирил“. Молебен служеше поглаварот на Македонската православна црква, архиепископот Охридски и Македонски г.г. Стефан. На годинешново чествување на свети Методиј, пак, градот Елванген (Германија) каде што е гробот на свети Методиј му придава особено значење. На чествувањето, во европски дух, заеднички Македонците, Бугарите, Словаците и Чесите свечено го одбележаа Денот на св.Методиј.